எதை விதைத்தோம்?

 ஊஞ்சலில் ஒய்யாரமாக சாய்ந்துகொண்டு, கையில் இருந்த ஐபாடில்(iPad) யூடியுபில்(YouTube) GiggleBellies'இன் வீல்ஸ் ஆன் தி பஸ் கோ ரவுண்டு அண்ட் ரவுண்டு ரைம்ஸ் பார்த்துக்கொண்டே கையசைத்து அதனோடு சேர்ந்து பாடிக்கொண்டிருந்த  மூன்று வயது பேத்தியிடம் "குட்டி பாப்பால்லாம் இப்படி உக்காந்து வீடியோ பாக்க கூடாதுமா, நல்ல சூரிய வெளிச்சத்துல போயி விளையாடனும். சமர்த்து குட்டில, போயி வெயில்ல விளையாடுங்க பாப்போம்" என்றாள் கோமளா பாட்டி. "சரி பாட்டி" என்று கொஞ்சும் மழலையில் சொல்லிவிட்டு வேகமாக ஓடிப்போய் அம்மாவின் கைபேசியில் அமேசான் செயலியை (Amazon  App) திறந்து, பாட்டியிடம் கொடுத்து "நீங்க சொன்ன வெய்யில் என்கிட்டே இல்ல, அமேசான்ல   ஆர்டர் பண்ணுங்க பாட்டி, ரெண்டே நாள்ல வந்துடும்" என்றது வெள்ளந்தியாய்.